Omsetjarsamling Oslo 2.-4. august 2002


Deltakarar:

  Herman Robak, bokmål
  Axel Bojer, bokmål
  Bjørn Steensrud, bokmål
  Oddmund Utskarpen, nynorsk
  Gaute Hvoslef Kvalnes, nynorsk


Arbeidsoppgåver:

  KOffice 1.2 skal koma ut i august, siste fristen for omsetjingar er
  11. august. Før helga stod det att 2000-3000 strengar på både nynorsk
  og bokmål. Denne helga har me klart å bli ferdige med iallfall dei
  viktigaste delane av programpakken, og resten reknar me med å kunna
  greia fram til 11. august.

  Me har sett ein del på hjelpetekstane i KDE, og funne ut kva for
  hjelpetekstar som bør vera med i Skulelinux (KDE 2.2.2). Me må dessutan
  så snart me kan gå over på dei nye hjelpetekstane i KDE 3.1. Problema
  med hjelpetekstar i språkpakkane våre er delvis løyste.

  Ei tidleg utgåve av OpenOffice.org på bokmål er demonstrert og testa.

  Ein del av feila som er registrerte i Bugzilla er fiksa eller rydda
  opp i.


Vidare arbeid:

  Seinare i haust (oktober) kjem KDE 3.1, og det er viktig å ha oppdaterte
  omsetjingar med der. I vår har me lege i etterkant, med ei veldig
  ufullstendig omsetjing av KDE 3.0 og skippertak fram mot KDE 3.0.1.
  Viss Skulelinux ikkje klarar å halda «sine» omsetjingar oppdaterte, gir
  det eit veldig rotete inntrykk. Hastverksarbeid er dessutan lite
  gunstig. Dersom me frå no av klarar å liggja i forkant, vil det både
  vera mindre slitsomt og gi betre kvalitet på arbeidet.

  Me skal ordna enkle rutinar for språkvask, slik at PO-filer kan
  konverterast til tekst. Då kan ein jobba med dei utan å vera heilt
  avhengig av Linux og KBabel eller andre spesialprogram.

  Dersom me skal få gjennomført alt det me vil, både av nye og oppdaterte
  omsetjingar, krev det både nyrekruttering og tettare oppfølging av dei
  omsetjarane som alt er involverte.